Regjeringa vil kjøpe fire nye ubåtar til 41,4 milliardar kroner

Regjeringa ber Stortinget godkjenne kjøp av fire nye ubåtar med ei kostnadsramme på 41,37 milliardar kroner. 

Det har tidlegare vore anslått at prisen for dei fire båtane, med våpen, kaianlegg, opplæring og vedlikehald, kom på vel 30 milliardar kroner.

Summen inkluderer meirverdiavgift, avsetningar for uvisse og gjennomføringskostnadar.

Båtane skal byggjast ved det tyske verftet ThyssenKrupp Marine Systems. Planen er at dei nye ubåtane blir fasa inn frå 2026, mens dei gamle skal fasast ut frå 2028.

Ubåtane vil vere basert på det tyske 212-designet som allereie er i teneste både i Italia og Tyskland.

(©NPK)

Siste nyhende

Bryggjeritopp fekk avgiftssjokk – kalla KrF-nestleiar ein skurk

Bryggjeritopp Petter Nome kallar i ein intern e-post KrF-nestleiar Olaug Bollestad ein skurk og meiner ho har mykje av skulda for avgiftsauken på brus og snop.

Oslo Børs fell vidare

Hovudindeksen på Oslo Børs fall torsdag med 0,4 prosent til 803,95 poeng. Omsetninga enda på 2,75 milliardar kroner, nesten 4,5 milliardar mindre enn onsdag.

Ny SSB-direktør vil nullstille endringar 

Alle dei foreslåtte endringane i forskingsavdelinga i Statistisk sentralbyrå (SSB) blir sette til side, opplyser konstituert SSB-direktør Birger Vikøren.

Senterpartiet vil fryse bensinavgifta 

Sp frir til bilistane ved å fryse bensin- og dieselavgiftene og gi pendlarane eit løft i sitt budsjett. Samtidig aukar partiet skattane med 2,3 milliardar.

Bokhandlarprisen til Helga Flatland

Bokhandlarane har late seg begeistre av Helga Flatlands roman om ein moderne familie og har tildelt henne Bokhandlerprisen for 2017.