Politiet skal få opplysningar om sosialhjelpsmottakarar

Regjeringa vil gi politiet og kriminalomsorga utvida tilgang til opplysningar om sosialhjelpsmottakarar, og foreslår å endre sosialtenestelova.

– Dei strenge teiepliktreglane for sosialtenesta skal ikkje lenger føre til at personar kan skjule seg for politiet og kriminalomsorga, seier arbeids- og sosialminister Anniken Hauglie (H).

Heilt konkret blir det foreslått at kommunen skal få høve til å utlevere kontaktopplysningar til sosialhjelpsmottakarar. Opplysningane kan utleverast etter førespurnad frå politiet og kriminalomsorga.

– Sosialtenesteområdet er det siste sikkerheitsnettet for personar i vanskelege livssituasjonar, men også på dette området må omsynet til samfunnsbehova for kriminalitetsvern vege tungt, seier Hauglie.

(©NPK)

Siste nyhende

Oslo Børs fell vidare

Hovudindeksen på Oslo Børs fall torsdag med 0,4 prosent til 803,95 poeng. Omsetninga enda på 2,75 milliardar kroner, nesten 4,5 milliardar mindre enn onsdag.

Ny SSB-direktør vil nullstille endringar 

Alle dei foreslåtte endringane i forskingsavdelinga i Statistisk sentralbyrå (SSB) blir sette til side, opplyser konstituert SSB-direktør Birger Vikøren.

Senterpartiet vil fryse bensinavgifta 

Sp frir til bilistane ved å fryse bensin- og dieselavgiftene og gi pendlarane eit løft i sitt budsjett. Samtidig aukar partiet skattane med 2,3 milliardar.

Bokhandlarprisen til Helga Flatland

Bokhandlarane har late seg begeistre av Helga Flatlands roman om ein moderne familie og har tildelt henne Bokhandlerprisen for 2017.