No startar bjørkepollensesongen 

Dei første pollenkorna frå bjørk er funne i Oslo og Kristiansand, og astmatikarar og allergikarar må førebu seg på pollensesong for alvor.

Norges Astma- og Allergiforbund har i 40 år kome med daglege nasjonale pollenvarsel i sesongen. Det første varselet om beskjeden spreiing av bjørkepollen frå laurdag er allereie sendt ut. Det betyr at rundt ein million nordmenn no går ei tøff tid i møte.

Bjørkepollenet er verstingen, ifølgje pollenforskar Hallvard Ramfjord i Norges Astma- og Allergiforbund.

– Bjørka er verstingen fordi den finst over heile landet i forskjellige variantar. Det vil seie at pollenet er overalt. I tillegg spreier den mykje pollen, og det er også mykje allergen i pollenet. Bjørkepollenet er derfor ganske heftig, forklarar Ramfjord.

Dersom det blir fint, mildt vêr med høge temperaturar dei nærmaste dagane kan spreiinga auke ganske fort. Forbundet anbefaler derfor at dei som brukar medisinar, startar opp med ein gong dersom dei ikkje allereie har begynt.

– Medisinane har ikkje full effekt før etter cirka ein veke, men du vil ha noko effekt med ein gong, seier Anna Bistrup, helsefagleg rådgjevar i Astma- og Allergiforbundet.

Bjørkepollensesongen vil vare i omtrent tre veker. Det vil framleis gå noko tid før spreiinga startar lenger nord i landet.

(©NPK)

Siste nyhende

KrF-leiaren opnar for Vedum som statsminister 

KrF-leiar Knut Arild Hareide er ikkje framand for at Senterparti-leiar Trygve Slagsvold Vedum kan leie ei sentrum-høgre-regjering etter valet. 

Fransk optimisme sender børsen vidare opp mot 700-streken

Hovudindeksen på børsen ligg an til å krysse 700-streken onsdag. Tysdag la den på seg 1,02 prosent og enda på 698, 52 poeng.

Semje i finansnæringa – lønna opp 0,65 prosent 

Finansforbundet vart tysdag einige med Finans Norge om eit anbefalt forslag i mellomoppgjeret for finanssektoren. 

NRK: 18 års fengsel for drapet på Galina Sandeva

Ein 26 år gammal mann er dømt til 18 års fengsel for drapet på Galina Sandeva, melder NRK.

Lommedalen-saka utsett – tiltalt mor køyrt på sjukehus

Rettsbehandlinga av Lommedalen-saka er utsett i ei veke fordi den tiltalte mora til avdøde Angelica Heggelund (13) er innlagt på sjukehus.