Fleire fjellovergangar opna for kolonnekøyring

To fjellovergangar er framleis stengde på grunn av uvêr, men fleire er fredag morgon opne for kolonnekøyring.

Riksveg 7 over Hardangervidda er framleis stengt på grunn av uvêr. Det same gjeld riksveg 6 over Saltfjellet i Nord-Noreg, opplyser Statens vegvesen.

På fylkesveg 50 Hol-Aurland, fylkesveg 53 Tyin-Årdal og riksveg 13 over Vikafjellet er det opna for kolonnekøyring etter at strekningane har vore stengde på grunn av vêret.

Også på europaveg 134 over Haukelifjell på strekninga Vågslidtunnelen – Liamyrane bom er det innført kolonnekøyring.

Riksveg 52 over Hemsedalsfjellet er førebels open, men med svært vanskelege køyreforhold. Vegvesenet åtvarar derfor om at kolonnekøyring kan bli innført på kort varsel.

Fylkesveg 51 over Valdresflya i Oppland er stengt og blir ikkje opna i dag på grunn av uvêret.

Årsaka til vårstormen er lågtrykksaktiviteten i Norskehavet som gir store delar av landet ei fuktig, skya og kjølig helg. Det blir mykje byevêr frå Vestlandet og heilt nord til Troms.

(©NPK)

Siste nyhende

Sveler er millionbusiness på ferjene 

Ferjeselskapet Fjord1 sel 800.000 sveler i året. Det gir store inntekter. 

Røykutvikling i småfly – landa utan problem i Mosjøen

Naudetatane rykte ut til Mosjøen lufthamn fordi eit småfly var på veg inn for landing med røykutvikling i kabinen. Flyet landa utan problem.

Støre vil ha spleiselag for å få unge i arbeid 

Jonas Gahr Støre foreslår ein tiltakspakke for å få unge i arbeid. Men både bedrifter og skattebetalarar må spytte i kassa om Ap-leiaren skal få jobben gjort. 

Teikneseriefigurar tøffar rundt på norske fjordar

Dei vanlegaste båtnamna i Noreg er tradisjonelle namn som Svanen og Terna i tillegg til ei rad kvinnenamn. Men teikneseriefigurar har begynt å bli populære.

Politiet avhøyrer omgangskrinsen til sikta og fornærma i hyttedrapet i Flå

Politiet håpar at avhøyr av omgangskrinsen til drepne Alexandra Therese Nilssen og den drapssikta 25-åringen vil gi svar på motivet bak hyttedrapet i Flå.