Sp og Ap mest fram på Rogaland-måling

Senterpartiet gjer ei kanonmåling i Rogaland samanlikna med stortingsvalet i 2013. Også Ap aukar oppslutninga i fylket, mens Frp fell markant.

Sp er verkeleg i medvind om dagen og får ei oppslutning på 10,1 prosent på målinga som Sentio har utført på oppdrag for Høgre. Ved stortingsvalet fekk partiet ei oppslutning på berre 5,2 prosent i Rogaland. Dersom målinga hadde vore stortingsvalresultatet, ville partiet dobla talet på mandat frå eitt til to i fylket.

Ap aukar oppslutninga frå 22,6 til 25,7 prosent og ville sikra seg ein fjerde representant frå Rogaland på Stortinget med eit slikt valresultat.

Høgre fell marginale 0,8 prosentpoeng til 29,3 prosent, men verre går det med regjeringspartnar Frp som gjorde eit brakval i Rogaland med 18,7 prosents oppslutning for tre og eit halvt år sidan. Partiet fell 5,1 prosentpoeng og ville mista eitt av sine tre mandat på Rogaland-benken.

Feilmarginen ligg i intervallet 4,3 prosentpoeng for Høgre og 0,6 prosentpoeng for Pensjonistpartiet.

Dei andre partia får slik oppslutning på målinga samanlikna med valresultatet i Rogaland i 2013: KrF: 9,2 prosent (-1,4 prosentpoeng), Venstre 4,0 (-0,5), SV 3,3 (0,0), MDG 2,1 (-0,1), Raudt 0,9 (0,5), Pensjonistpartiet 0,5 (0,0), Dei Kristne 0,0 (-1,0), andre parti 1,3 (0,7).

(©NPK)

Siste nyhende

Kraftig vekst i luksusbilsalet

Så langt i år er det selt 6.931 bilar til rundt ein million kroner og meir i Noreg. Det er 28,6 prosent meir enn i same periode i fjor. 

Bruk av rusmiddel og røyk går drastisk ned blant norsk ungdom  

Delen ungdom som har prøvd alkohol har gått klart ned. Men fokuset på eit sunnare liv har ført til fleire psykiske plager, ifølgje forskar.

Liten opptur på børsen

Hovudindeksen på Oslo Børs hadde auka med 0,48 prosent til 762,49 poeng da handelen var over måndag ettermiddag. Mest omsett var Yara-aksjen.

Eirik Jensen tapte det første slaget, lover nye

21 års fengsel. Det er den knusande dommen over Eirik Jensen i Oslo tingrett. Men ekspolitimannen vil ta ein ny runde i retten, ifølgje forsvararane.

Rettssaka mot Metkel Betew utsett eitt døgn

Oslo tingrett har utsett oppstarten av den omfattande rettssaka mot den tidlegare Nokas-ranaren Metkel Betew og tolv andre til onsdag.