Kjerstin Owren blir mobbeombod i Oslo

Oslo er den første kommunen i landet som tilset eit mobbeombod. Kjerstin Owren skal førebyggje mobbing i barnehagar, grunnskular og vidaregåande opplæring. 

– Først og fremst skal eg vere representant for barna og elevane i Oslo, og eg vil vere tilgjengeleg for rådgjeving og oppfølging i samband med vanskelege mobbesaker for dei som har behov, seier Kjerstin Owren.

Owren er utdanna adjunkt og kjem frå stillinga som undervisningsinspektør ved Holmlia skule.

– Ho er ein svært kompetent person som har dei erfaringane og kvalitetane som er nødvendig, seier Oslo-ordførar Marianne Borgen, som har leidd tilsettingsutvalet.

Mobbeombodet er tilsett på åremål i ein periode på seks år. Ombodet er bystyrets ombod for barnehagebarn og elevar i kommunen og skal jobbe uavhengig av administrativ og politisk leiing i kommunen.

(©NPK)

Siste nyhende

Hareide: Mogleg siste forhandlingsmøte denne veka

Forhandlingsmøtet om regjeringsspørsmålet onsdag kan bli det siste før KrF eventuelt vel å gå i opposisjon, seier partileiar Knut Arild Hareide.

Lik kostnad for ny og brukt hytte

Kostnadspress i byggjebransjen og eit stort overskot av tomter gjer det like økonomisk attraktivt å byggje hytte som å kjøpe brukt, ifølgje Prognosesenteret.

Fleire tomme hotell i Bergen under sykkel-VM

Nær fire av ti hotellrom i Bergen stod tomme i VM-veka, men høge priser kan ha redda bedriftene.

Forskar fryktar kommunane er uførebudde på eldrebølgja

Forskar Einar Vetvik fryktar norske kommunar ikkje har planlagt godt nok for eldrebølgja. – No er det alvor, bølgja er her allereie, seier han.

Forbrukarar får betre vern ved pakkereiser dei sjølv set saman

Eit nytt pakkereisedirektiv blei fredag innlemma i EØS-avtalen, og gir forbrukarane betre vern ved bestilling av pakkereiser dei sjølv set saman.