Nyhende |
|||
|
Av Yngve Tolaas 16.01.2012 kl. 14:08
Uttatt til regional landslagssamlingHANDBALL: Kristian Rønnestad er som einaste 1997-modell frå Sogn og Fjordane tatt ut til regional landslagssamling i Haukelandshallen onsdag 25. januar.
Neste onsdag er Kristian Rønnestad på regional landslagssamling i Haukelandshallen. (Foto: Yngve Tolaas)
Det er tatt ut 20 1996-modellar og åtte 1997-modellar frå Hordaland og Sogn og Fjordane til samlinga, som er for region Vest, ein av sju handballregionar i Norge. Medan det er tre spelarar frå fylket i den eldste gruppa, er Kristian Rønnestad einaste representant frå fylket blant dei yngste.
Til vanleg spelar Rønnestad for Eid/Haugen sine 14. og 16. årslag. Den høgreiste venstrebacken (1.87 meter) som først fyller 15 år i oktober, hadde ikkje venta å bli tatt ut.
- Det var overraskande. Til neste samling blir talet spelarar redusert til 18, og eg skal stå på og gjere mitt beste for å bli med vidare, seier Rønnestad. |
|||





