Fall ned i tom silo

Politiet fekk melding om ulukka klokka 22.25. Ifølgje politiet vart ikkje vedkomande alvorleg skada, men pådrog seg brot i ein arm.

Fjordabladet har fått opplyst på generell basis at krav til sikring av silo inneber at der skal vere eit ein meter høgt gjerde rundt silokanten. Det vanlege er at der er ei luke som kan opnast. Stigen skal stikke ein meter opp frå kanten slik at det er enkelt å kome til, vere festa og ha ryggbøyle dersom den er meir enn fem meter lang. Bøylen kan vere avslutta eit par meter over bakkenivå.  

Forsikringsselskap kan krevje regress dersom det er grov aktløyse, dvs at det manglar naudsynte verneinnretningar.