Balsnes-dobbel redda poeng

Dommar Vegard Yndestad, her i diskusjon med Johannes Myklebust, kunne ha blåst straffe begge vegar. Foto: Magnus Aarre

Eid låg under med to mål med 30 minutt igjen å spele, men ein dobbel frå midstoppar Ove Balsnes gav Eid eit høgst fortent poeng mot Årdal på heimebane laurdag ettermiddag. Eid går inn i sumarferien på botnen av tabellen, åtte poeng bak sikker plass.

Eid kom til kampen med ein statistikk få ville misunne dei etter ein skadeplaga vår: 12 kampar, ni tap, seks poeng og 46 baklengs. Det såg lenge ut til å kunne bli verre då Truls Hovland utnytta nølande forsvarsspel av Eid og gav raudtrøyene leiinga etter berre sju minutt. Resten av førsteomgangen var relativt jamnspelt med få sjansar begge vegar, men berre seks minutt inn i andre omgang feller Erik Salveson Årdals Thomas Frichsen på femmeteren. Preben Strypet ekspederar straffa i mål, og 0-2 er eit faktum.

Ikkje meir enn fem minutt seinare er det Eid sin tur til å få sjansen frå ellevemeteren. Erik Rotihaug vert ulovleg hindra av to Årdal-spelarar, Balsnes set ballen i nota, og plutseleg er det kamp igjen.

I jakta på utlikning, skapar Eid fleire gode sjansar føre Erlend Johansen i Årdal-målet. Johannes Mylkebust brenner kampens største fem minutt før full tid når skotet hannar frå fem meter stryk stolpen. Men det er framleis tid, og to miutt på overtid vert Balsnes helten når han stangar Jan Olav Humborstad sitt innlegg i mål frå sju meter.

Meir frå kampen i tysdagsavisa.

Kampfakta: Eid-Årdal 2-2 (0-1)

Eid Stadion

Tilskodarar: omlag 60

Dommar: Vegard Yndestad, Florø SK

Assistentdommarar: Andreas Sandal, Haugen IL, og Ståle Sandal, Breimsbygda IL.

Mål:

7.min 0-1 Truls Hovland

52.min 0-2 Preben Strypet (straffe)

57.min 1-2 Ove Balsnes (straffe)

90.min 2-2 Ove Balsnes

Eid: Tom Øyvind Solheim, Ole Andreas Aarvik, Ove Balsnes, Erik Salveson, Arild Magnus Bjørhovde Rindal, Bjørnar Strandos, Andreas Bjørhovde Heggedal, Jan Olav Humborstad, Erik Rotihaug, Oliver Rotihaug, Johannes Myklebust

Årdal: Erlend Johansen, Abdul Wahabu Abbas, Marcin Brzykcy, Brede Stedje Ylvisåker, Eirik Rode, Jonas Hestetun, Tim Solvik Teigen, Truls Hovland, Robin Moheim, Thomas Frichsen, Preben Strypet

3.divisjon avdeling 8

Resultat frå 13.runde:

Stryn-Førde 1-2

Voss-Florø 2-3

Sotra-Vik 4-1

Tornado Måløy-Radøy/Manger 3-2

Saga-Øystese 0-2

Fyllingsdalen 2-Bergen Nord 6-0