Entra og Lefdal Gruve i samarbeid om datasentersatsing

Totalt vil Lefdal Mine Datacenter tilby 120.000 kvadratmeter  «white space areal». (Illustrasjon: LocalHost.)

Gjennom eit samarbeid mellom GFD og Lefdal Mine Datacenter styrkjer Norge no sin posisjon på ein marknad der ein veit at mange internasjonale aktørar ser etter løysningar. Partane har inngått ein avtale om å formalisere samarbeidet. Dette samarbeidet skal blant anna inkludere følgjande:

·         Bruk av datasentera for dei kundane som har behov for to ulike lokasjoner av omsyn til tryggleik. Samarbeide for å gjere det rasjonelt rett for kundar å velje Lefdal Mine Datacenter og Greenfield Datacenter.

·         Profilere Norge sine naturlege fortrinn som klima, politiske forhold og grøn produksjon av straum, for lagring og prosessering av store datavolum internasjonalt.

·         Samarbeide om initiativ og aktivitetar med sikte på å betre norske rammevilkår for regulering av datasentertenester.

·         Jobbe  saman for ei modernisering av nasjonal infrastruktur – som straum og fibernett som er nødvendig for å kunne møte framtidige behov.

– Entra ser  stor verdi av eit tett samarbeid med Lefdal Mine Datacenter for å rette merksemda  mot Norge  som ein stad for plassering av sikre, grøne og kostnadseffektive datasenter. Eit samarbeid mellom Greenfield Datacenter og Lefdal vil gje marknaden eit komplett konsept på framtidige løysingar der modularitet, skalérbarheit og sikkerheit vil komme i fokus. Dersom bransjen gjer dette rett, og samhandlar på ein god måte kan datasenter bli ein betydeleg industri i Norge, seier konstituert administrerande direktør i Entra  Eiendom, Rune Olsø.

– Eit formalisert og tett samarbeid med Entra medfører at vi er ein sterkare aktør saman enn kvar for oss, og aukar moglegheitene monaleg for at vi lykkast i ein veksande marknad for datasentertenester. Entra og Lefdal sit på utfyllande kompetanse og kapasitet som vil kunne utnyttast både i sal,  utbygging og operativ drift. Planlagde datasenterlokasjonar og tekniske løysingar er komplementære, og dekkjer ulike krav i marknaden, seier Jørn Skaane, dagleg leiar i Lefdal Mine Datacenter,.

Per Morten Hoff i IKT Norge ser det som positivt at to seriøse aktørar som Greenfield Datacenter og  Lefdal Mine Datacenter vel å samarbeide om å trekkje til seg norske og internasjonale kundar.

FAKTA:

Lefdal Mine Datacenter ligg i Eid kommune, mellom Nordfjordeid og Måløy. Selskapet er eigd  av Sogn og Fjordane Energi og LocalHost Holding. Totalt vil Lefdal tilby 120.000 kvadratmeter  «white space areal». Dei naturgjevne føresetnadene er svært gode: Innanfor eit område på 30 kilometer  rundt Lefdal ligg det fire vasskraftverk og ein vindmøllepark, det er redundant og god kapasitet på fiberkommunikasjon og kjøling frå isfri og djup fjord med konstant låg temperatur. Saman med eit sikkert råbygg i fjell, gjev dette ein lokasjon som er grøn, sikker og med låge investeringar og driftskostnader. Lefdal Gruve vil

Fungere som ein hovudlokasjon for tenester som ikkje krev umiddelbar nærleik til kundane, og som ein «colokasjon/out of region» datasenter for øvrige kundar.

FAKTA:

Entra-eigde Greenfield Datacenter vert planlagt  som eit av verdas mest sikre, miljøvennlege og kostnadseffektive datasenter. Datasenteret vil ligge i Heia Næringspark i Fet kommune i Akershus, mindre enn tre mil frå Oslo. Datasenterløysinga er spesialdesigna for å tilby kostnadseffektiv, sikker og miljøvennleg dataprosessering og datalagring for offentleg og private aktørar. Til saman er planen at datasenteret blir på over 30.000 kvadratmeter. Dette skal byggast trinn for trinn, i takt med ønskje og etterspurnad frå marknaden. I første omgang skal rundt 8.000 kvadratmeter byggast i fire blokker.

Etter planen skal første byggetrinn av Greenfield Datacenter stå klart i 2014.

Greenfield Datacenter vil fungere som eigna hovudlokasjon for tenester som krev tilgjenge og nærleik til kundane.