Avslutta i Eid med scoring

Tom-Øyvind Solheim, Eid sin keeper, redda det eine poenget til Eid med ei feberreding på overtid. (Foto: Tormod Flatebø.)

Etter at Eid måtte reise heim frå Bergen etter å ha tapt med 0-7 for Fyllingsdalen sitt andrelag  sist helg og TMFK banka topplaget Voss med 4-0 på Refvika, så må ein nok seie at gjestane var førehandsfavorittar i nabooppgjeret. Ut frå dette kan ein vel seie at det var oppskriftsmessig at TMFK tok leiinga i kampen. TMFK sitt mål kom elleve minutt ut i første omgang. Tidlegare Eid-spelar Ole Andreas Solheim forserte på høgresida og la nydeleg inn til Endre Kupen, som nikka ballen sikkert i mål frå kort hald.

Eid spelte ein god førsteomgang, bortsett frå forsvarsglippen ved målet til TMFK. Nemnde Kim Vik var frampå fleire gonger i løpet av den første omgangen, og det ville slett ikkje vore urettvist om Eid både hadde fått både eitt og to mål dei første 45 minutta.  Spelemessig var førsteomgangen jamspelt.

Etter pause tok det eit lite kvarter før Eid greidde å spele seg fram til målsjanse. Og det tok heile 43 minutt før laget greidde å utlikne leiinga til TMFK.

For Kim Vik vart det ein litt spesiell dag. I løpet av dei åra Kim har spelt for Eid har han scora fleire mål enn han greie å hugse. No flyttar den sympatiske spelaren til Florø, der han skal spele for Florø Sportsklubb.

Kampfakta Eid – TMFK 1-1 (0-1)

Eid Idrettspark

Tilskodarar 150

Dommar: Ronny Stian Hopland, Skavøypoll IL

Assistentdommarar: Per Olav Erikstad, Jølster IL og Tom Edvinsen, Stryn T&IL.

Mål:

11. min 0-1 Endre Kupen. Ass. Ole Andreas Solheim

87. min 1-1 Kim Vik

Eid: Tom-Øyvind Espeseth Solheim, Ove Balsnes, Ole Andreas Aarvik (75; Anders Karlsen), Erik Rotihaug, Anders Nilsen Midthjell, Thomas Starheim  (K), Elias Lund Johansen, Anderas Bjørhovde Heggedal (82; Ruben Leirgulen Kullsveen), Vebjørn Nord Haugland, Oliver Rotihaug og  Kim Øvregård Vik.

TMFK: Isak Nygård Gangeskar, Ørjan Eide Paulsen, Eirik Kvalheim (45; Kristoffer Nord Steenslid) , Gisle Myhre, Jon Haukur Haraldsson, Kennet Honningsvåg, Jon Martin Gil, Henrik Gjerde, Ole Andreas Solheim, Endre Kupen og Vegard Holvik.

Resultat frå femte serierunde:

Voss- Sotra 2-1

Florø SK – Stryn 4-0

Radøy/Manger – Vik 3-3    

Bergen Nord- Førde 0-8

Årdal – Øystese 3-2

Eid – Tornado Måløy FK 1-1

Tabell 3. divisjon avd. 8

Førde 5 4 0 1 21-5 12

Voss 4 4 0 1 13-6 12

Årdal FK 5 4 0 1 13-6 12

Florø SK 5 3 1 1 19-10 10

Vik 5 3 1 1 18-14 10

Stryn 5 3 0 2 9-10 9

Radøy/Manger 5 2 1 2 12-12 7

Tornado Måløy FK 5 2 1 2 9-10 7

Fyllingsdalen 2 4 1 1 2 13-9 4

Bergen Nord 5 1 1 3 6-16 4

Eid 5 1 1 3 3-15 4

Sotra 5 1 0 4 6-13 3

Saga 4 1 0 3 6-15 3

Øystese 5 0 1 4 9-16 1