Festivalstemning i Gymmen

Ingrid Olava var den første artisten ut for Malakoff Rockfestival. (Foto: Wibeke Nord Haugland)

Kring 250 personar fekk oppleve den vakre og stemningsfulle konserten som markerte starten på det som ser ut til å bli nok ei fantastisk festivalhelg.

 - Dette var ein veldig flott start på festivalen, seier festivalsjef Arnt-Ivar Naustdal og legg til at dersom festivalen fortset slik, lovar det veldig godt.

I glitrande paljettkjole og med vakker songstemme,  trollbinda Ingrid Olava publikum. Songane handla om alt frå umogleg kjærleik, utruskap, dagen derpå og død. Mellom songane hadde ho ein dialog med publikum, der ho kom med humoristiske og ironiske kommentarar.

Artisten gjekk frå scena med tampeklapp og eit samstemt "Vi vil ha meir, vi vil ha meir!" frå publikum, og kom derfor tilbake og spelte to ekstra songar.

Ingrid Olava sett verkeleg publikum i festivalstemning og festivalsjef Arnt-Ivar Naustdal har berre ei oppmoding til dei som endå ikkje er i festivalmodus:

− Ta på solkrem og shorts og kom på festival!