Ungdom bør få fri til politisk arbeid

Stian Melheim er uroa for det framtidige politiske engasjementet frå ungdom.

Kunnskapsdepartementet vil ha redusert talet på gyldige fråværsdagar i den vidaregåande skulen frå fjorten til ti. Dette er eit lovframlegg som er ute på høyring, og som kan bli realitet frå hausten av. Elevaorganisasjonen i Sogn og Fjordane går sterkt imot lovendringa. Dei meiner reduserte fråværsdagar vil gå ut over det politisk deltakinga hjå ungdom.

- Vi meiner at engasjert ungdom bør ha fjorten dagar gyldig fråvær gjennom året for drive med politisk arbeid, eller anna organisasjonsarbeid. I dag er det slik at alt fråvær ser likt ut på vitnemålet, anten du ligg heime i senga eller er på politiske møter. Vi vil ha spesifisert fråværet på vitnemålet og behalde dei fjorten dagane vi har i dag, seier Stian Melheim frå Nordfjordeid. Han er politisk nestleiar i Elevorganisasjonen i Sogn og Fjordane. Melheim fryktar at at eit veksande politisk engasjement vil bli rasert.

- Dei siste åra er unge i fylket vårt blitt meir engasjert i politikk. Med mindre høve til fri vil nok dette engasjementet gå tilbake, fryktar Melheim som understrekar at alle dei politiske ungdomspartia i fylket går imot dette lovframlegget frå Kunnskapsdepartementet.