Ronny prioriterer skiskyting

Seint onsdag kveld blei det klart at Ronny fekk plass på Norge sitt lag i verdscupen i skiskyting.

- Det er synd at det blir kollisjon mellom to så viktige renn, men skal eg ha noko håp om å bli tatt ut på landslaget neste sesong må eg prioritere verdscup i skiskyting, sa Ronny onsdag føremiddag før uttaket var klart.

Årsaka til at Ronny no har fått plass til helgas verdscuprunde i skiskyting, er at Ole Einar Bjørndalen har meldt forfall på grunn av sjukdom.

Verdscupen i finske Kontiolahti opnar med mix-stafett fredag. Dette rennet skal Ronny ikkje gå.

Men stårheimaren er klar for sprint laurdag og jaktstart søndag. Alle renna blir sendt direkte på NRK1.

Torsdag 18. mars startar verdscupavslutninga i Holmenkollen. Dette uttaket blir gjort etter at helgas verdscuprunde i Kontiolahti er ferdig søndag.

- Ein av løparane som er med til Finland skal ut av troppen, då Ole Einar Bjørndalen vil vere klar igjen til Holmenkollen, seier idrettsjef i skiskyttarforbundet, Per Arne Botnan.

Norge sin tropp til Kontiolahti:

Frode Andresen (Hønefoss ssk)

Lars Berger (Dombås IL)

Tarjei Bø (Markane IL)

Halvard Hanevold (Asker skiklubb)

Aleksander Os (Ishavslaget)

Emil Hegle Svendsen (Trondhjems skiskyttere)

Ronny Hafsås (Stårheim IL)

Akseli Kokkonen er tatt ut til helgas verdscuprenn i hopp i Holmenkollen. Her blir det kvalifisering laurdag, der ein må vere blant dei 50 beste for å få delta i rennet søndag.