Held festivalfolket tørre

UB Dry. F.v. Stian T. Haugland, Beate Leirvik, Malene Sunde og Karl-Olav Sunde. (Foto: Helga Didrikke Sundal)

Namnet på ungdomsbedrifta seier sitt. Det handlar om å halde seg tørr. Ideen kom under idémyldringa i entreprenørskapstimane ved EVS. Stian T. Haugland, Beate Leirvik, Malene Sunde og Karl-Olav Sunde ville jobbe vidare med ideen.

– Vi har trua på produktet. Dette er noko festivalpublikummet treng, ein kjøper det ikkje berre fordi det er kult. Samstundes er det god reklame for festivalen, seier kvartetten.

Støttar u-hjelp

Avtalen med Malakoff Rockfestival var i boks i januar. Ungdomsbedrifta sel eit visst antal til festivalen som så sel vidare til publikum. Svarte regnponchoar med raud logo blir nok ein suksess, i alle fall viss det regnar. Viss ikkje, er plagga godt brukande som solskjerm òg.

UB Dry tenkjer ikkje berre på å eventuelt tene pengar. Ein kroner per poncho går til u-hjelp. 

– Vi må vere litt snille òg, seier Stian, Beate, Malene og Karl-Olav. Nøyaktig kven som får pengane, er ikkje heilt bestemt endå.

Vil nå lenger

Ungdomsbedrifta siktar lenger enn til festivalen på Nordfjordeid. Dei vil gjerne selje ponchoar til andre festivalar, bedrifter og organisasjonar og oppmodar interesserte om å ta kontakt.

Ei spørjeundersøking på skulen var med på å avgjere fargar og pris. Ponchoane blir produserte i Kina, etter mykje fram og tilbake.

– Vi prøvde å trykkje logoen på ponchoane sjølv, og ingen produserer slike plagg i Norge. Det såg mørkt ut, men var ein deilig følelse då vi fann fram til produsenten i Kina, fortel bedriftseigarane

Les meir i torsdagsavisa.